Dette handlar det om

Johannes og eg har i år valt å bruke sommarferien til å arbeide som frivillige hjå Adina Foundation Uganda. Adina er ein norsk stiftelse (Bergen) som arbeider i Romania og Uganda. Dei er stasjonert i Lira i Nord-Uganda, eit av dei minst utvikla områda i verda. Vi skal i løpet av ein månad delta i og observere så mykje av arbeidet som mogeleg. I tillegg til at dette vil gje oss ei unik erfaring og ei spesiell oppleving er det òg ein del av evalueringsarbeidet som Adina ynskjer å gjere av si eiga verksemd i Uganda. I bloggen vil vi dele våre erfaringar og opplevingar og samtidig presentere det flotte arbeidet som Adina driv i Uganda.